Ladki Bahin KYC Update: महाराष्ट्र राज्यातील ‘मुख्यमंत्री माझी लाडकी बहीण योजने’चा लाभ घेणाऱ्या कोट्यवधी महिलांसाठी एक दिलासादायक बातमी आहे. अर्ज भरताना किंवा e-KYC करताना तुमच्याकडून एखादी चूक झाली असेल आणि त्यामुळे तुमचे पैसे रखडले असतील, तर आता काळजी करण्याचे कारण नाही.
राज्य सरकारने ६ फेब्रुवारी २०२६ रोजी विशेष शासन निर्णय (GR) काढून या चुका सुधारण्याची शेवटची संधी दिली आहे. ही दुरुस्ती कशी करायची, याची सविस्तर माहिती खालीलप्रमाणे आहे.
अर्जात नेमक्या कोणत्या चुका झाल्या आहेत?
अनेकांचे अर्ज अपात्र ठरण्याचे मुख्य कारण म्हणजे e-KYC करताना विचारलेल्या प्रश्नांना दिलेली चुकीची उत्तरे. अर्जामध्ये खालील दोन प्रश्न विचारले जातात:
- तुमच्या कुटुंबातील कोणी सरकारी कर्मचारी आहे का?
- तुमच्या कुटुंबातील कोणाला पेन्शन मिळते का?
अनेक महिलांनी अनावधानाने या प्रश्नांना ‘हो’ (Yes) असे उत्तर दिले. नियमानुसार, सरकारी कर्मचारी किंवा पेन्शन घेणारे कुटुंब या योजनेसाठी पात्र नाही. त्यामुळे चुकून ‘हो’ केल्यामुळे अनेक पात्र महिलांचे अर्ज बाद झाले होते. आता ही चूक सुधारता येणार आहे.
e-KYC दुरुस्तीची स्टेप-बाय-स्टेप पद्धत (Mobile Process)
तुम्ही तुमच्या स्मार्टफोनवरून खालील ५ सोप्या स्टेप्स फॉलो करून दुरुस्ती करू शकता:
१. अधिकृत वेबसाईटला भेट द्या: सर्वप्रथम आपल्या मोबाईलमध्ये ladkibahin.maharashtra.gov.in ही लिंक ओपन करा.
२. सुधारणा पर्यायावर क्लिक करा: मुख्य पृष्ठावर तुम्हाला एक नवीन नोटिफिकेशन बॉक्स दिसेल. तिथे ‘ज्या लाभार्थ्यांकडून चुकीचे पर्याय निवडले गेले आहेत, त्यांच्यासाठी दुरुस्तीची संधी’ असा संदेश असेल. त्यावर क्लिक करा.
३. आधार क्रमांक टाका: तुमचा १२ अंकी आधार कार्ड नंबर आणि खाली दिलेला कॅप्चा (Captcha) कोड अचूक भरा.
४. ओटीपी (OTP) व्हेरिफिकेशन: ‘मी सहमत आहे’ या बटणावर टिक करून ‘Send OTP’ वर क्लिक करा. तुमच्या आधार लिंक असलेल्या मोबाईलवर एक ओटीपी येईल, तो प्रविष्ट करा. (लक्षात ठेवा: ज्यांची माहिती आधीच बरोबर आहे, त्यांना ओटीपी येणार नाही).
५. योग्य पर्याय निवडा (A आणि B): आता तुमच्या समोर दोन पर्याय येतील. जर तुमच्या कुटुंबात कोणीही सरकारी नोकरीत नसेल किंवा कोणाला पेन्शन नसेल, तर दोन्ही ठिकाणी ‘नाही’ (No) हा पर्याय निवडा आणि ‘Submit’ करा.
‘Success’ मेसेज आला म्हणजे काम झाले!
माहिती सबमिट केल्यानंतर स्क्रीनवर ‘Success’ असा मेसेज दिसेल. याचा अर्थ तुमची माहिती आता अपडेट झाली आहे आणि पुढील हप्त्यांसाठी तुमचा मार्ग मोकळा झाला आहे.
महत्त्वाची टीप: ज्या महिलांचे पैसे अद्याप जमा झालेले नाहीत किंवा ज्यांच्या अर्जात ‘Pending’ किंवा ‘Disapproved’ असे दिसत आहे, त्यांनी ही प्रक्रिया त्वरित पूर्ण करावी.
